طريقة ربح المال عن طريق مشاهدة الفيديوهات موقع YouEarn

طريقة ربح المال عن طريق مشاهدة الفيديوهات موقع YouEarn
طريقة ربح المال عن طريق مشاهدة الفيديوهات موقع YouEarn

الثلاثاء، أكتوبر 24، 2017

ما لى قتلّي تونس بلادنا الناس الكل


تونس خايبة و ما تصلحش قتلّي شهريتك تبدا 3 ولّا 4 ملايين
تونس فيها أمن و أمان قتلي شهريتك ما تفوتش ال 400 دينار في الشهر
تونس ما فيهاش لا أمن و لا أمان قتلي تبدا تسكن في حي راقي و عندك كادروات في الداخلية من معارفك يمشيولك دوريات قدام دارك 
تونس مزيانة قتلي تبدا مواطن من عامة الشعب و تسكن في حي شعبي يسرقولك حتى بسكلاتك الي تمشي عليها تخدم في المرمّة 
تونس خايبة وعلى الحيط قتلي تعدي الويكاند في الحمامات  او جربة  ومرتين في العام تمشي تعمل طلة على إسبانيا و تايلندا 
تونس متقدمة و محترمة  قتلي تعدي نهارك تجري ورا الكار الصفراء و المترو و كي تطلع في تاكسي تهبط قبل داركم بزوز كيلوماتر تكملهم على ساقيك خاطر ما عندكش فلوسو تعدي ويكاند تاكل في طرف قلوب كحل و تتفرج في لاباس  
 تونس متخلفة قتلي تمرض تمشي لكلينيك الأمان و سان أوغوستان
اما انا نمشي لسبيطار للصحة العمومية ونبقى نستنى في ال salle d'attente و ما يتلفتلي  حد و ما يحس بيا حد.
 هذاك علاش عمرنا لانا باش نشوفوها كي بعضنا تونس، و لانا باش نحبوها كيما بعضنا، و لانا باش نعيشو فيها كيما بعضنا 
قلت تونسنا ماهيش تونس وحدة 
لاتونس  بلادنا الناس الكل

ليست هناك تعليقات: