Translate

الجمعة، فبراير 09، 2018

الثورة المغصوبة في بلاد التّماس


  الثورة المغصوبة في بلاد التّماس. تسألني مانيش لاباس ومن وقتاش أنا لاباس وعمري ما نولّي لاباس  وانا في بْلاد التماس  التماس الكهربائي الّلي يقتل أولاد الناس تسري النارتاكل أبنائي ولا مديرولا عسّاس .الثورة المغصوبة غْصَبتوها في وقت نْفاس تماس بْلادي المنهوبة نهبها السمسار والتيّاس تماس  البقرة النّطّاحة إلي هزّيتوها للإفلاس النسوة الفلّاحة الّلي يموتوا عْلى  الكيّاس حْقوق الشباب المُباحة الّلي سقطوا  في  الكابّاس  الحارق  تحت الموج اجتاحَه  غارق ما ردّ الأنفاس جاوبني بالله جاوبني خلّيني نفهم لاباس تقصدشي الناس المرتاحة الّلي يعيشوا عْلى التّحواس. وحازوا الميدان مْعَ الساحة وعبّوا المال أكداس..أكداس والدنيا..بيهم دوّاحة.و الدّبّوزة  مْعاها  الكاس و الرقّاصة معَ الشطاحة و بوزيْنو.وكاحل الأنعاس .وضّح سؤالك من فضلك خلّي يكون حديثنا قياس ولّاخي.بطّل تسألني ويزّيني من وجع الراس وسؤالك هذا يجَفّلْني وأصْلًا ماعندكش إحساس تسألني مانيش "لاباس وعارفني مانيش لاباس ومستحيل نكون  لاباس وانا في  بلاد التماس.

ليست هناك تعليقات: